BLO ॲपमध्ये फॉर्म क्रमांक 8 भरण्याची प्रक्रिया ही अर्जदाराच्या गरजेनुसार आणि दुरुस्त करायच्या असलेल्या माहितीनुसार बदलते.
फॉर्म 8 कशासाठी असतो?
BLO ॲपमध्ये फॉर्म क्रमांक 8 भरण्याची प्रक्रिया मतदार यादीतील नोंदीमध्ये दुरुस्ती किंवा स्थलांतर (एकाच मतदारसंघात) करण्यासाठी वापरला जातो. यामध्ये प्रामुख्याने खालील कारणांसाठी अर्ज केला जातो:
- दुरुस्ती (Correction): मतदार यादीतील तपशिलांमध्ये (उदा. नाव, वय, पत्ता, नातेवाईकाचे नाव, लिंग, फोटो, EPIC क्रमांक) दुरुस्ती करणे.
- एकाच मतदारसंघात स्थलांतर (Shifting within the same Constituency): एकाच मतदारसंघातील एका ठिकाणाहून दुसऱ्या ठिकाणी पत्ता बदलणे.
- बदल (Replacement): मतदार ओळखपत्र (EPIC) हरवले असल्यास किंवा ते खराब झाले असल्यास नवीन ओळखपत्रासाठी अर्ज करणे.
- व्यक्तीला अपंग चिन्हांकित करणे (Marking Person with Disability – PwD): मतदारास ‘दिव्यांग’ म्हणून चिन्हांकित करणे.
📝 BLO ॲपमध्ये फॉर्म 8 भरण्याची प्रक्रिया
BLO ॲपमध्ये फॉर्म 8 भरताना, सर्व प्रथम BLO यांनी आपला BLO app अपडेट करावा व चांगल्या मोबाईलच्या नेटवर्क मध्ये काम करावे जेणे करुन त्यांना तांत्रिक (Technical ) अडचण येणार नाही.BLO अधिकाऱ्यांनी खालील माहिती आणि टप्पे वापरावे लागतात:
टप्पा क्र 1: ॲपमध्ये लॉगिन आणि फॉर्म निवड
- BLO ॲपमध्ये फॉर्म क्रमांक 8 BLO ॲपमध्ये भरण्यासाठी तुमच्या Mobile Number सह लॉगिन (Login) करा.
- होम स्क्रीनवर ‘फॉर्म्स’ (Forms) विभागात जा.
- ‘फॉर्म 8′ (Form 8) निवडा.
टप्पा क्र 2: मतदाराचा तपशील (EPIC) शोधा
- BLO ॲपमध्ये फॉर्म क्रमांक 8 भरतांना अर्जदाराचा EPIC (मतदार ओळखपत्र क्रमांक) किंवा मतदाराचे अन्य तपशील (उदा. नाव, पत्ता) वापरून मतदार यादीत त्याचा शोध (Search) घ्या.( किंवा https://electoralsearch.eci.gov.in/ या लिंक वर जाऊन मतदाराचे नाव पाहु शकता)
- मतदाराचा तपशील स्क्रीनवर दिसेल.
टप्पा क्र 3: अर्जाचा उद्देश (Purpose of Application) निवडा
तुम्ही फॉर्म 8 कशासाठी भरत आहात, त्यानुसार खालीलपैकी योग्य पर्याय निवडावा लागतो:
- A. निवासस्थानाचे स्थलांतर (Shifting of Residence) यामध्ये एखादा मतदार ज्या ठिकाणी स्थलांतर झाला आहे त्या ठिकाणच्या BLO यांनी फॉर्म नंबर 8 भरावा. जेणे करुन मुळ ठिकाणावरचे नाव वगळुन (Delete) नवीन ठिकाणी मतदार स्थलांतर होवून तेथे नाव समाविष्ट होईल.
- B. नोंदीमध्ये दुरुस्ती (Correction of Entries) (या मध्ये नाव,लिंग,वय,नातेवाईकाचे नाव,फोटो,मोबाईल क्रमांक,नातेवाईकाचे नातेसंबंध व पत्ता या पैकी केवळ 4 दुरूस्ती एकावेळी करता येईल.)
- C. ओळखपत्राची मागणी (Replacement of EPIC)
- D. दिव्यांग व्यक्ती म्हणून चिन्हांकित करणे (Marking as PwD)
टप्पा क्र4: तपशील भरणे (Fill Details)
निवडलेल्या उद्देशानुसार (उदा. ‘Correction’ निवडल्यास) खालील माहिती भरावी लागते:
- दुरुस्त करायचा तपशील निवडा: BLO ला कोणत्या माहितीमध्ये दुरुस्ती करायची आहे, ते निवडायचे असते (उदा. नाव, पत्ता, जन्मदिनांक, फोटो).(एका वेळी चार दुरूस्ती आपण करु शकतो.)
- नवीन/दुरुस्त माहिती भरा: निवडलेल्या फील्डमध्ये (Field) बरोबर असलेली नवीन (Correct) माहिती BLO ने भरावी.
- आधार क्रमांक (Aadhaar Number): आधार तपशील (असल्यास) प्रविष्ट करणे.
- संपर्क माहिती (Contact Details): अर्जदाराचा मोबाईल क्रमांक आणि ईमेल आयडी (असल्यास) भरावा.
- स्थलांतरासाठी (A): जर स्थलांतर (Shifting) असेल, तर नवीन पत्त्याचा संपूर्ण तपशील (पत्ता, भाग क्र., अनुक्रमांक) भरावा.
टप्पा क्र 5: कागदपत्रे अपलोड करणे (Upload Documents)
- ज्या तपशिलात दुरुस्ती करायची आहे, त्याच्या पुराव्यासाठीचे आवश्यक कागदपत्र (Supporting Documents) BLO ने अर्जदाराकडून घेऊन त्यांचे फोटो किंवा स्कॅन कॉपी ॲपमध्ये अपलोड करायचे असतात.
- उदा. नाव दुरुस्त करण्यासाठी: आधार कार्ड किंवा पॅनकार्ड
- उदा. पत्ता दुरुस्त करण्यासाठी: पत्त्याचा पुरावा ( तहसील चे रहिवास प्रमाणपत्र/ राशन कार्ड / 1 वर्षाआधीचे भाडे करार / लाईट बील / आधार कार्ड वीज बिल, भाडे करार).
टप्पा क्र 6: घोषणा आणि सबमिशन
- अर्जदाराने दिलेली माहिती सत्य आणि अचूक असल्याची घोषणा (Declaration) BLO मार्फत ॲपमध्ये पुष्टी केली जाते.
- संपूर्ण माहिती तपासल्यानंतर ‘सबमिट’ (Submit) बटन दाबावे.
- पोचपावती क्रमांक (Acknowledgement Number) अर्जदाराला द्यावा, ज्याद्वारे अर्जाची स्थिती (Status) तपासता येते.
टप्पा क्र 7: फील्ड व्हेरिफिकेशन
- अर्ज सबमिट झाल्यावर, BLO ने अर्जदाराच्या निवासस्थानाची किंवा कार्यालयाची फील्ड व्हेरिफिकेशन (Field Verification) भेट द्यायची असते.
- BLO ॲपमध्ये फॉर्म क्रमांक 8 भरल्यानंतर किंवा आपल्या कडे आलेल्या Fomrs ची फील्ड व्हेरिफिकेशनचा अहवाल (Report) BLO ॲपमध्ये अपलोड करावा लागतो.
हे ही लक्षात ठेवा अत्यंत महत्वाचे
एका SSR मध्ये एकादाच Correction / shifting of residence / Replacement of EPIC Card / PWD Flagging
नवीन नोंदणी नमुना नं 6 व्दारे कशी करावयाची या बाबत जाणुण घेण्यासाठी वाचा https://vktworld.in/blo-prashikshan-margdarshan-form-number-6
आणखी नवनवीन माहिती साठी vktworld.in ला भेट दया व अमुल्य प्रतिक्रिया कळवा.